آراء العملاء

م.ح

من بعد آخر جلسة و انا عايزة ابعتلك و اقولك شكرا من القلب.. شكرا على تعبك و وقتك و مجهودك .. الحقيقة اني ممتنة ليكي جدا و لربنا طبعا .. افتكرت نفسي اول يوم بدأنا و آخر يوم في الرحلة .. بعتبرها رحلة بدأتها إنسان و رجعت منها إنسان تاني خالص و مش أنا بس اللي بقول كده .. الموضوع بقى ملحوظ .. حاسة اني كنت عايشة حياة غير و شايفة الدنيا بنص عين و نص عقل .. دلوقتي حاسة إني واعية و فاهمة و كأنه مخي و حواسي و دماغي و حتى قلبي حصله انتعاش .. شكرا يا حبيبتي على كل حاجة عملتيها و قولتيها و علمتيهالي علشان أكون إنسان أفضل .. هافضل ممتنة ليكي طول حياتي و هافضل ادعيلك دايما بالصحة و السعادة و انه ربنا يزيدك من علمه و تفيدي الناس .. في انتظار رحلتنا الجاية.. حابة لسه أكمل.. مش عارفة أكمل ايه بس عايزة أكون معاكي دايما .. مش مهم فين بقى انا هاسيب نفسي و انتي خديني وديني جبيني

ا. ف

ازي حضرتك يا احلي دكتوره في الدنيا

اقسم بالله اني مكنتش اتخيل ابدا اني بعد الجلسات هكون كده .. شخصيه جديده ازاي قدرتي تغيري كل افكاري السلبيه لأفكار ايجابيه .. ازاي قدرتي تخلي شخصيه كل اللي حواليها بيتحكموا فيا وفي كل تفاصيل حياتي انا واولادي لشخصيه مختلفه تماما بقي ليها رأي .. بقت تعرف تتناقش مع اللي حواليها .. واني أوافق علي كل كلام اللي حواليا وانا من جوايا مش راضيه ..حضرتك غيرتيني تماما اقسم بالله .. وبرتاح لما بتكلم مع حضرتك .. وسألت ولادي في حاجه اختلفت فيا .. قالولي بقيتي هاديه مش عصبيه انتي اتغيرتي والله يا ماما .. استمري مع دكتور ورده .. وانا مش عارفه اوصفلك كميه الراحه النفسيه سبحان الله .. مهما أتكلم مش هوفيكي حقك ابدا .. لكن يشاء القدر يجمعنا ببعض .. شكرا بجد علي تعبك معايا .. ولسه مستمرين مع بعض .. الف حمد وشكر لله انك في حياتي

ن . د

الكلام جوايا كتير اوي .. عايزه اقولك خلتيني انسانه سعيده وواثقه من نفسها ومتفائله جدا ..وعدتي واوفيتي لما قولتيلي بعد كل سيشن هتحسي ان وزنك بيخف و هتحسي انك طايره

ربنا يكرمك وبحبك في الله

ن . ع

جزاكي الله خيرا وجعله في ميزان حسناتك .. الانسان اللي يمسح الحزن من قلوب الناس بحب الله ويجعله يشعر بقيمة نفسه ويحبها يأخذ ثواب عظيم .. تحياتي الك وتمنياتي الك بالتوفيق والنجاح .. دكتور الولاده بيساعد علي ولاده طفل .. وانتي ساعدتيني ان انجب نفسي من جديد واحبها .. لن انسي هذا المعروف ..

شكرا لكي